Գլխավոր
« Սպիտակ Ձեռնափայտ» հաշմանդամություն ունեցող անձանց աջակցող հասարակական կազմակերպություն
«ՍՊԻՏԱԿ ՁԵՌՆԱՓԱՅՏ» ՀԿ– նՀայաստանի Հանրապետության քաղաքացիների, օտարերկրյա պետությունների քաղաքացիների, քաղաքացիություն չունեցող անձանց հասարակական միավորում է, որն ունի ոչ առևտրային կազմակերպության կարգավիճակ: Կազմակերպության գործունեության սկզբունքներն են օրինականությունը, խտրականության բացառումը, բարեխղճությունը, անդամության կամավորությունը, անդամների շահերի ընդհանրությունը, ինքնակառավարումը և հաշվետվողականությունը: Կազմակերպությունը գործում է Հայաստանի Հանրապետության ողջ տարածքում և օտարերկրյա պետություններում՝ այդ պետությունների օրենսդրությանը համապատասխան: Մեր կազմակերպությունը ձգտում է բարելավել հաշմանդամություն ունեցող անձանց կյանքի որակը՝ աջակցելով նրանց հասարակական, կրթական և մասնագիտական ինտեգրմանը: Մեր գլխավոր նպատակն է երիտասարդների ներուժի բացահայտումը, հնարավորությունների ստեղծումը և հաշմանդամություն ունեցող անձանց լիարժեք մասնակցությունն ու իրավահավասարությունը հանրային կյանքում: Կազմակերպել երիտասարդական ակումբներ, մասնագիտական ուսուցման ծրագրեր, և թրեյնինգներ՝ ուղղված հմտությունների զարգացմանը, ինքնուրույնության և ինքնավստահության բարձրացմանը: Հոգեբանական և սոցիալական աջակցություն՝ նպատակ ունենալով` աջակցել հաշմանդամություն ունեցող անձանց, այդ թվում՝ երիտասարդների, խթանմանը և սոցիալական ներառմանը : Մարզական միջոցառումներ, արշավներ և ստեղծագործական սեմինարներ, որոնք կօգնեն երիտասարդներին ավելի ակտիվ լինել և ներգրավվել հասարակական կյանքում: Հանրության տեղեկացվածության բարձրացում հաշմանդամություն ունեցող անձանց խնդիրների մասին, ինչպես նաև երիտասարդական քարոզարշավների իրականացում՝ հավասար հնարավորությունների ստեղծման և ներառական հասարակության համար: Երիտասարդ կամավորների ներգրավում՝ աջակցելու հաշմանդամություն ունեցող անձանց առօրյա կյանքում, միջոցառումների կազմակերպման և հասարակության մեջ ինտեգրացիայի ծրագրերում: Նորագույն աջակցող տեխնոլոգիաների հասանելիություն և ուսուցում՝ հաշմանդամություն ունեցող անձանց կյանքը հեշտացնելու համար:) ...